由以前返工著住對飛甩雞毛👠，返到公司前都會畫齊眼耳口鼻，到依家喺地盤著Caterpillar🥾（建築業內名牌子呢🙈），仲要日日素顏返工。有人話我呢種感情投資係無底深潭好變態，但我倒覺得這些年來我學懂了好多事情。
如果唔係由鑽石買手搖身一變做咗地盤妹👷🏻♀️，我都唔會了解到意佬嘅工作，向佢請教掘隧道學問長知識；如果唔跟佢浪跡天涯，我都唔會學到意大利文、西班牙文同埋最近嘆慢板學緊阿拉伯文～哈哈～；如果冇跟佬走仍然黐家住，我都唔會學懂兩手意大利菜同買餸嘅終極學問！如果唔係以前要兩米衣櫃先掛得哂嘅衫，依家要將所有家當塞哂入廿寸行李箱，我都領略唔到，其實fashion都係身外物，只要日日有沖涼洗衫換底橫，就算著住舊衫都一樣可活得香噴噴！
縱使今日身邊事物同喺香港生活時截然不同，但我從來沒想到放棄學習。可能正因為咁，意佬久唔久贈我兩句：
「你很美。」
「美在哪？」
「美在看不見，但感受到從內心散發出來的美。」
因為越是學習，你會越值得愛，
因為越懂自愛，才值得被人愛。
無論有愛冇愛拍緊拖結咗婚失婚也好，做女人一定要好好對待自己，好好締造屬於自己智慧的美，心靈的美。時間可奪取你嘅骨膠原，但奪唔走你嘅內涵同內在美。只要你夠美，美好的事自然湧向你而來。
姊姊妹妹們，今日係我哋嘅！三八婦女節快樂！
#happyinternationalwomensday
#素顏的我
Search